புது தில்லி: இந்தியாவுக்கான டேனிஷ் தூதர் ஃப்ரெடி ஸ்வான், புது தில்லியின் தூதரகப் பகுதியான சாணக்யபுரியில் உள்ள டேனிஷ் மற்றும் கிரீஸ் தூதரகங்களுக்கு இடையே உள்ள குப்பைகள் நிறைந்த சேவைப் பாதை குறித்து சமூக ஊடகத் தளமான Xல் புதன் கிழமைக்கு தனது கவலையை வெளிப்படுத்தினார். விரைவில், புது தில்லி முனிசிபல் கவுன்சில் (என்டிஎம்சி) அந்தப் பகுதியைச் சுத்தம் செய்தது.
“அழகான மற்றும் பசுமையான புது டெல்லி. பேச்சு மட்டும் தான், ஆனால் செயல் இல்லை. இதனால் வருத்தம் அடைந்தேன்,” என்று ஸ்வான் தனது X பதிவில் புதன்கிழமை எழுதினார். அந்த இடுகையுடன் ஒரு வீடியோவில், “பெரிய, பசுமையான மற்றும் குப்பை நிறைந்த புது தில்லிக்கு வரவேற்கிறோம்” என்று அவர் கூறினார், அதே நேரத்தில் குப்பைகள் நிறைந்த பாதையை சுட்டிக்காட்டி அதன் நிலையைப் பற்றி புலம்பினார்.
“யாராவது இதைக் கேட்டு நடவடிக்கை எடுப்பார்கள் என்று நம்புகிறேன். இனி வார்த்தைகள் இல்லை, செயல் மட்டுமே”, என்று ஸ்வானே வீடியோவில் மேலும் கூறினார், கைகளை குவித்து ‘நமஸ்காரம்’ செய்து, அதிகாரிகளிடம் முறையிட்டார். டெல்லி லெப்டினன்ட் கவர்னர் மற்றும் முதல்வர் அலுவலகத்தின் சமூக ஊடக பக்கங்களையும் அவர் டேக் (tag) செய்தார்.
சமூக ஊடகங்களில் ஈர்க்கப்பட்ட தூதரின் முறையீட்டை எடுத்துக் கொள்வதில் என்டிஎம்சி தாமதிக்கவில்லை, மேலும் புதன்கிழமை அன்று பாதையை சுத்தம் செய்தது.
“நான் மிகவும் பெருமைப்படுகிறேன், மேலும் சில நிமிடங்களில் என்டிஎம்சி நடவடிக்கை எடுத்ததில் மகிழ்ச்சி அடைகிறேன்,” என்று துப்புரவு நடவடிக்கைக்குப் பிறகு ஸ்வான் ஊடகங்களுக்கு தெரிவித்தார்.
அதற்குள், பல்வேறு X பயனர்கள் ஸ்வானின் இடுகையை விரும்பினர் (like), கருத்துத் தெரிவித்தனர் மற்றும் மறுபகிர்வு செய்தனர். அவர்களில் ஒருவர் “உண்மையைப் பகிர்ந்ததற்காக” டேனிஷ் தூதருக்கு நன்றி தெரிவித்தார். மற்றொருவர், “ஒரு தேசமாக, நாங்கள் வெட்கப்படுகிறோம்”, என்று கருத்துத் தெரிவித்தார்.
ஃப்ரெடி ஸ்வான் தற்போது தனது இரண்டாவது பதவிக்காலத்தில் இந்தியாவுக்கான தூதராக பணியாற்றுகிறார். இந்தியாவைத் தவிர, அவர் இலங்கை, பூட்டான், மாலத்தீவு மற்றும் நேபாளத்தில் டென்மார்க்கை பிரதிநிதித்துவப்படுத்துகிறார்.
டேனிஷ் தூதரகத்திற்காக அவர் உருவாக்கும் பிற வீடியோக்களில் ஸ்வேன் தனது திறமையைக் காட்டுகிறார், அவற்றில் பல நிலைத்தன்மை முயற்சிகளுக்கான அவரது உறுதிப்பாட்டை எடுத்துக்காட்டுகின்றன. “நான் இந்திய கலாச்சாரத்தை நேசிக்கிறேன்” என்று அவர் அத்தகைய ஒரு வீடியோவில் கூறுகிறார்.
உள்ளூர் அதிகாரிகளின் அலட்சிய அணுகுமுறையால் வெளிநாட்டுப் பிரதிநிதி ஒருவர் பிரச்சினை எழுப்புவது இது முதல் முறையல்ல. கடந்த ஆண்டு, சிங்கப்பூர் தூதரகத்தின் X இல் உள்ள அடையாளப் பலகையில் எழுத்துப் பிழை இருப்பதாக சிங்கப்பூர் உயர் ஆணையர் சைமன் வோங் சுட்டிக்காட்டினார், பின்னர் என்.டி.எம்.சி இந்தப் பிரச்சினையைத் தீர்த்தது.
