புது தில்லி: கெலேபு சிறப்பு நிர்வாக பிராந்தியம், நீர்மின்சக்தி மற்றும் ஏனைய புதுப்பிக்கத்தக்க எரிசக்தி திட்டங்கள், வர்த்தகம், மற்றும் விண்வெளி தொழில்நுட்பம் ஆகியவையே பிரதமர் நரேந்திர மோடிக்கும் பூட்டான் மன்னர் ஜிக்மே கேசர் நாம்க்யெல் வாங்சுக் இடையே வியாழக்கிழமை நடந்த உரையாடலில் முக்கியத்துவம் பெற்றன.
பூட்டான் அரசரும் அரசியும் டிசம்பர் 5 முதல் 6 வரை, இரண்டு நாள் பயணமாக இந்தியாவுக்கு வந்துள்ளனர். பூட்டானின் எரிசக்தி மற்றும் இயற்கை வள அமைச்சர் ஜெம் ஷெரிங்கும் தூதுக்குழுவின் ஒரு பகுதியாக வருகைதந்தது, இரு நாடுகளுக்கும் இடையிலான உறவுகளில் எரிசக்தித் துறைக்கு உள்ள முக்கியத்துவத்தை சுட்டிக்காட்டுகின்றது.
1020 மெகாவாட் திறன் கொண்ட புனட்ஷாங்சு-2 நீர்மின் திட்டம் நிறைவடையும் தருவாயில் இருப்பதில் அவர்கள் திருப்தி கொண்டதுடன், அத்திட்டத்தின் அமலாக்கத்தை ஆவலுடன் எதிர்ப்பார்க்கின்றனர். புனட்சங்சு-1 நீர்மின் திட்டத்தை விரைவாக முடிக்க வேண்டியதன் அவசியம் குறித்து இரு தலைவர்களும் ஒப்புக் கொண்டனர்” என்று இருதரப்பு சந்திப்புக்குப் பிறகு இரு தலைவர்களும் வெளியிட்ட கூட்டு அறிக்கையில் தெரிவிக்கப்பட்டுள்ளது.
நீர்மின் துறையில் ஒத்துழைப்பின் முக்கியத்துவத்தையும், நீர்த்தேக்க நீர் திட்டங்கள் உள்ளிட்ட புதிய திட்டங்களுக்கான வழிமுறைகளை விரைந்து செயற்படுத்துவது மேலும் அதை மேம்படுத்துவதற்கான தங்கள் உறுதிப்பாட்டையும் இரு தரப்பினரும் மீண்டும் வலியுறுத்தினர்.
இரு நாடுகளும் இருதரப்பு உறவைப் பகிர்ந்து கொள்ளும் முக்கிய துறைகளில் மாசில்லா எரிசக்தி முக்கியமான ஒன்றாகும். இந்திய மற்றும் பூட்டானிய நிறுவனங்களுக்கிடையிலான மூலோபாய கூட்டாண்மை உட்பட நீர்வழு தவிர்ந்த மீளுருவாக்கக்கூடடிய சக்தி உறவுகளின் அனைத்து சாத்தியக்கூறுகளையும் இரு தலைவர்களும் ஆய்வு செய்தனர், இது திம்புவில் உள்ள நிறுவனங்களுக்கு புதுதில்லியில் உள்ள நிதி மற்றும் எரிசக்தி சந்தை வாய்ப்புக்களை பெற்றுக்கொள்ள உதவும்.
பூட்டான் மன்னரின் பிரத்யோக விருப்பான ‘கேலெபு விழிப்புணர்வு நகர் திட்டம்’ பற்றியும் இரு தலைவர்களும் கலந்துரையாடினர் , மேலும், மேதகு மன்னருக்கு, பூட்டானிலும் பூட்டான் எல்லைப் பகுதிகளிலும் செழிப்பையும் நல்வாழ்வையும் மேம்படுத்தும் விதமாக இந்தியா தன் “தொடர்ச்சியான ஆதரவை” வழங்கும் என்று உறுதியளித்தார்.
இந்த ஆண்டின் தொடக்கத்தில், இமயமலை இராச்சியத்திற்கான நிதி உதவியை 2024 முதல் 2029 வரை 5,000 கோடியிலிருந்து 10,000 கோடியாக இரட்டிப்பாக்குவதாக இந்தியா அறிவித்திருந்தது. நிதியுதவி பற்றிய அறிவிப்பு, டோக்லாம் பீடபூமியுட்பட, திம்புவுக்கும் பெய்ஜிங்கிற்கும் இடையில் எல்லைப் வரயறுபில், பூட்டானின் முந்தைய அரசு முனைப்பில் ஈடுபட்ட சில மாதங்களிலேயே பூட்டானுக்கான ‘அதிகரித்த நிதி உதவி’ பற்றிய அறிவிப்பு வெளியானது – 2017 ஆம் ஆண்டில், டோக்லாம் பீடபூமியில் இந்திய மற்றும் சீனப் படைகள் பதட்ட சூழ்நிலையில் நிலைகொண்டிருந்தன.
இந்தியாவுடனான முத்தரப்பு சந்திப்பு பகுதிக்கு அருகில், பூட்டானுக்கு சொந்தமான பிராந்தியத்தில், சீனா பல கிராமங்களை அமைத்து வருகிறது. திபிரிண்ட் ஏற்கனவே ஆராய்ந்து கூறியது போல, அப்பிராந்தியத்தில் குறைந்தபட்சமாக ஆறு கிராமங்கள் இருக்கின்றன.
“13 வது ஐந்தாண்டு திட்டத்தின் (2024-29) கீழ் பூட்டானுக்கான வளர்ச்சி உதவிகளை மேம்படுத்துவதற்காகவும், பூட்டான் இராஜ்சியத்தின் (RGoB’s) பொருளாதார தூண்டுதல் திட்டத்திற்கு இந்தியா வழங்கும் ஆதரவுக்காகவும் பூட்டானிய தரப்பு இந்திய அரசுக்கு (GoI) நன்றி தெரிவித்துள்ளது” என்று கூட்டு அறிக்கையில் கூறப்பட்டுள்ளது.
கடந்த மாதம் திறக்கப்பட்ட, புதுதில்லிக்கும் அசாமின் தரங்காவில் உள்ள திம்புவுக்கும் இடையிலான முதல் ஒருங்கிணைந்த முதற் சோதனைச் சாவடி (ICP), கிழக்கு பூட்டானில் “தொடர்பு மற்றும் சுற்றுலாவை” மேம்படுதக்கூடிய ஒரு திட்டமாக இரு தலைவர்களாலும் விவாதிக்கப்பட்டது.
