ஷாருக்கான் கூறும் கதை முஃபாஸா: தி லயன் கிங்கின் கதையா அல்லது அவருடைய சொந்தக் கதையா?

முஃபாசா: தி லயன் கிங் ஹிந்தியில் மொழிமாற்றம் செய்யப்பட்டுள்ளது, ஷாருக்கான் முஃபாசாவுக்கு குரல் கொடுத்தார், அதே நேரத்தில் அவரது மகன்கள் ஆர்யன் மற்றும் அப்ராம் சிம்பா மற்றும் இளம் முஃபாசாவுக்கு குரல் கொடுப்பார்கள்.

முஃபாசா: தி லயன் கிங்கின் ஹிந்தி பதிப்பில் முஃபாசாவுக்கு ஷாருக்கான் குரல் கொடுப்பார் | படம்: யூடியூப் ஸ்கிரீன் கிராப் | டிஸ்னி

புதுடெல்லி: டிஸ்னியின் முஃபாசா: தி லயன் கிங் இந்தியாவின் பாலிவுட்டிலும் கர்ஜிக்க போகிறது, அதற்கு காரணம் பாலிவுட் கிங் ஷாருக் கான் குரல் கொடுப்பதால் மட்டும் அல்ல. படத்தின் டப்பிங் செய்யப்பட்ட இந்தி பதிப்பிற்கான சமீபத்திய விளம்பரத்தில், ஷாருக் கான் தான் குரல் கொடுக்கும் கதாபாத்திரத்தை ஒரு பஞ்ச் லைனுடன் அறிமுகப்படுத்துகிறார்: “யே கஹானி ஹை ஏக் ஐசே ராஜா கி ஜிசே விராசத் கி ரோஷ்னி நஹி, தன்ஹையோன் கி விராசத் மிலி”-இதுதான். பாரம்பரிய பெருமையை விட தனிமையை மரபுரிமையாகப் பெற்ற ஒரு ராஜாவின் கதை இது, என்பது அதன் அர்த்தம்.

“ஜமீன் பர் தோ காய் பாட்ஷா ஹுகுமத் கர்டே ஆயே ஹை, பர் உஸ்னே ராஜ் கியா சபி கே திலோன் பர். ஹலத் கி அந்தியோன் சே உத்தா ஏக் சச்சா ராஜா”. பல பேரரசர்கள் இந்த நிலத்தை ஆட்சி செய்திருந்தாலும், இவர் மட்டுமே அனைவரின் இதயங்களையும் ஆட்சி செய்தார். துன்பத்தின் புயல்களிலிருந்து எழுந்த ஒரு உண்மையான மன்னர். 

கான் கேமராவைப் பார்த்து, ரீலுக்கும் உண்மைக்கும் இடையிலான தொடர்பு ஒன்றை கொண்டு வந்தார், அவரது பொலிவான புன்னகையுடன் ஒரு விரல் தன்னை சுட்டிக்காட்டியவாறு:“காபி மில்டி ஜுல்டி ஹை நா யே கஹானி”-கேள்விப்பட்ட கதை போலவே உள்ளது இந்த கதை இல்லையா? – இந்த கதாபாத்திரத்திற்கு குரல் கொடுக்க கிங் கான் மட்டுமே சிறந்த தேர்வாக இருந்தார் என்பதை இது நினைவூட்டுகிறது. 

“ஏக் பாட்ஷா கி கஹானி, பாட்ஷா கி ஜுபானி” (மன்னரால் சொல்லப்படும்  ஒரு மன்னரின் கதை) என்பது வீடியோவின் தலைப்பாகும். இது இந்திய திரைப்படத்தில் ஷாருக்கின் சொந்த நிகரற்ற ஆதிக்கத்தை நுட்பமாக குறிப்பிடுகிறது. 

முஃபாசா: தி லயன் கிங், முஃபாசா அரியணை ஏறும் கதையை செல்லும் ப்ரீக்வெல் இந்தியாவில் பெரும் அலைகளை உருவாக்கி வருகிறது. ஷாருக்கானின் மகன்களான ஆர்யன் மற்றும் அப்ராம் சிம்பா மற்றும் இளம் முஃபாசா ஆகியோருக்கு குரல் கொடுப்பார்கள். 

இப்படத்தின் ஆங்கில டிரெய்லர் ஆகஸ்ட் மாதம் வெளிவந்த நிலையில், இந்தி-டப்பிங் பதிப்பு கடந்த வாரம் வெளியானது. இப்படம் தமிழ் மற்றும் தெலுங்கிலும் மொழிமாற்றம் செய்யப்பட்டுள்ளது

முஃபாசாவைப் போலவே, ஷாருக்கானின் சூப்பர்ஸ்டார்டம் பயணம் அவர் கிங் கான் ஆவதற்கு முன்பு பல்வேறு சவால்களால் குறிக்கப்படுகிறது. டெல்லியில் ஒரு நடுத்தர வர்க்க குடும்பத்தில் பிறந்த அவர், திரைப்படத் துறையில் பெரிய இடத்தைப் பெற மும்பைக்குச் செல்வதற்கு முன்பு, இளம் வயதிலேயே பெற்றோர் இருவரையும் இழந்தார். தெளிவற்ற நிலையில் இருந்து பாலிவுட்டின் மறுக்கமுடியாத ‘பாட்ஷா’ ஆக அவர் உயர்ந்தது, ‘வெளியாள் மற்றும் அனாதை’ முஃபாசா பெருமையுடைய மண்ணின் அதிகாரத்திற்கு ஏறியதை பிரதிபலிக்கிறது.

அகாடமி விருது பெற்ற திரைப்படத் தயாரிப்பாளர் பேரி ஜென்கின்ஸ் இயக்கிய முஃபாசா: தி லயன் கிங் டிசம்பர் 20ஆம் தேதி உலகம் முழுவதும் வெளியாக உள்ளது.